"Kapag ako ang matuluyan ay ikaw ang una kong mumultuhin! Bakit ba ang hilig mo na basta na lamang sumusulpot? Gusto mo na ba talagang mawalan ng ina?!" Salubong ang kilay at nakapamaywang na hinarap ni Rizza ang anak.
"Relax, mother dearest. Huwag ka ng magalit dahil ang sulputero mong anak ay mayroong good news."
Agad ding umakbay si Santiago sa inang kahit nakapamaywang ay alam na alam na niya ang susunod na hakbang. Kaya nga niya ito inunahan. Aba'y mahirap na baka matuluyan nang humiwalay ang taenga niya.
Kaso ang ama niyang binansagan ng tiyuhin nilang kahit langaw ay hindi kayang patayin. Ito ang sumapak sa kaniya.
"What's the matter with you, Santiago Enrico Cameron? Aba'y gusto mo yatang ikaw ang kauna-unahang masakal ko ah. Speak up or else I'll break your neck!" singhal ni E
