Veronica's POV
"MAGIGING ganap ka nang Misis Crisanto."
Paulit-ulit iyong naglalaro sa isipan ko na parang sirang plaka. Aaminin ko, kinakabahan ako dahil pakiramdam ko, hindi pa ako handa. Pero ang sayang naibibigay sa akin ng isiping ikakasal na kami ni Chronos at magiging Misis Crisanto na ako, walang mapagsidlan.
Mula sa labas ng bintana, nilingon ko si Chronos at pinagmasdan ito habang nagmamaneho. Nakasuot siya ng itim ng hoodie, ang get up niya noong nag-aaral pa kami para lang maitago ang pilat sa mukha niya.
"Matutunaw ako niyan," natigilan ako nang marinig ang sinabi niya.
"H-ha?"
Ngumiti siya bago ako tinapunan ng tingin. "Itatabi ko ito. Kakain na muna tayo. Hindi ka kumain kanina."
Nang marinig iyon ay binaling ko ang tingin sa labas para malaman kung nasaan na kami—sa
