Veronica's POV
NAMILOG ang mga mata ko nang sa pagkakataon na ito, marinig ang buong sinabi ng Emcee. Nagsimulang magpalakpakan ang mga tao sa paligid.
"Naghihintay sila," malumanay na wika ni Chronos. Nang muli akong mag-angat ng mukha, nakita ko ang mukha nitong nakangiti.
Mariin akong pumikit at nagbuga ng hangin. "S-Sige na nga." Kinuha ko ang kamay nito at tumayo.
Muling nagpalakpakan ang mga tao. Marahan kaming umakyat sa maliit na stage. Nang makarating sa itaas, kinamayan kami ng dalawang titser at isinabit sa amin ang aming mga sash. Matapos akong bigyan ng isang bouquet ng bulaklak, isinabit naman nila sa ulo namin ang aming korona.
Matapos niyon ay kinunan pa kaming dalawa ni Chronos ng litrato. Nakipag-picture din sa amin ang ibang titsers, bago kami muling ipinakilala sa
