Veronica's POV
MALANGSA ang amoy ng paligid, dahil doon, napagtanto namin na dugo ang pulang likidong nasa bintana.
"Ano ba talaga kasi ang nangyari? Bakit nasa loob ka ng kuwarto ni Nica?" nag-aalalang tanong ni Lea kay Beatrice habang nanginginig pa rin ito sa sobrang takot.
Ngayon ay nasa sala kaming lahat at nagtitipon-tipon. Nang tingnan ko ang oras sa relong-pambisig ko ay alas-siete na pala ng umaga.
Nang magising kaming lahat kaninang alas-tres ng madaling araw dahil sa sigaw ni Beatrice ay hindi na kami nakatulog pa at naglagi na lang dito sa sala. Sa pagkakataong ito, hindi lang ako kundi lahat na kami ang nakararamdam ng takot.
"N-narinig ko kasi ang m-mga ungol ni Nica sa kabilang kuwarto. Hindi pa ako natutulog ng mga oras na `yon kaya ch-in-eck ko muna siya dahil baka bi
