MULA sa ulo ng dragon ng Lupa ay biglang tumalon si Reyna Sakura papunta sa ibaba. Sa labas ng battle field ito lumapag at sandali muna nitong pinagmasdan ang labing-anim na kalahok na naroon. Pagkatapos din noon ay isang makabuluhang ngiti ang biglang bumakas sa labi ng reyna. Doon nga'y bigla na itong naglakad at bigla na lamang ding nagliwanag ang aura nito. Kumawala rin mula sa kinatatayuan nito ang isang may kalakasang hangin.
Nayanig niyon ang buong lugar! Itinaas na nga ni Reyna Sakura ang dalawang kamay niya nang dahan-dahan at doon nga'y biglang umangat nang unti-unti ang lupang nakapaligid sa buong arena. Sa isang iglap, ay isang koloseyo ang nabuo. Pinapaikutan nga nito ang battle field. May kalakihan ito at siguradong kayang okupahin ang lahat ng mga taga-Elementalika na ma
