ISANG malakas na tunog ng dalawang nagbanggaang talim ang umalingawngaw sa buong Li Ve Norte! Kumawala rin mula sa dalawang bungguang iyon ang isang napakalakas na hangin. Umikot pa iyon at naging ipo-ipo na kumawala papunta sa mga ulap na naging dahilan upang mahawan iyon. Doon ay sumilip din pansamantala ang asul na kalangitan. Habang sa ere naman ay naroon ang naglalabang aura ng asul at itim. Sa pagkikiskisan niyon ay may mga kuryente pa na lumalabas at nagdidiklapan.
Nababalot si Mars ng tila apoy na aura at kulay asul iyon. Samantalang itim naman ang kay Darkrai.
Muling lumapag sa battle arena ang dalawa at muling naglaho!
Umalingawngaw muli ang malakas na tunog ng dalawang nagbanggaang talim. Naglaho muli ang dalawa at muling inatake ang isa't isa. Ganoong tunog muli ang narinig
