NAGTATAKA si Hugo, kung bakit pinatawag na naman siya ng pinsang si Nikolai. Ang alam niya ay tapos na ang mission niya sa pinsan nito ng si Dave Montemayor. Ano na naman kaya ang ipapagawa sa kanya ng mga ito?
“You’re dead! Nariyan si Kuya Aaron, akala mo yata ay hindi makakarating sa kanya ang kalokohan mo.”
“Ano ba ang ginawa kong mali huh!”
“Pumasok ka na sa loob at doon ka mangatwiran,” saka malakas na tinulak ni Brent ang pinsan.
Pagpasok niya ay napahinto siya sa paghakbang dahil nakatingin sa kanya ang lahat at kumpleto ang mga naroon. Merong tatlong lalaki na hindi niya kilala pero karamihan ay pinsan niya at mga Montemayor.
“Bakit ganyan ang tingin ninyong lahat sa akin? Para akong isang kriminal kung maurirat ninyo mula paa hanggang ulo huh!” subalit hindi niya napaghandaan
