Sinamahan ako ni Eloisa sa kwarto kung saan ako mananatili habang nandito kami, malaki kasi ang bahay kaya may tig-iisang kwarto kaming lahat. Hindi nga lang ito isang simpleng bahay kung titingan mo dahil para na ‘tong isang mansyon sa dami ng mga kwarto at sa lawak nito pero kung sabagay sa kaibigan naman ‘to nina Luis at Zeus, sa estado ba naman ng buhay noong dalawa hindi malabo na wala silang kaibigan na mayaman din. Hindi ko alam kung ilang araw kami dito pero mabuti na lang at may dala akong damit ko at hindi ko na problema ‘yon. Wala naman kasing nabanggit si Alton kung saan kami pupunta at malay ko bang beach pala ang pupuntahan namin. Inilibot ko ang paningin ko sa kwarto kung nasaan ako ngayon at ang ganda ng kwarto na ‘to, kasing laki ‘to halos ng kwarto ko sa bahay namin pero
