Hindi na ako sumama sa kanila sa beach pagkatapos kong makipag-usap kay Luis. Mas pinili ko na lang na umuwi sa bahay kesa sumama sa kanila, madami akong kailangang gawin ngayon at madaming bagay ang tumatakbo sa isip ko simula ng makausap ko si Luis. Ilang araw rin akong hindi lumabas ng bahay para lang maiwan silang lahat. Si Arron nga lang ang kinakausap ko simula ‘non at tulad na lang ngayon ay nandito na naman ako sa kwarto ko at wala akong balak na lumabas. Hindi ko alam kung bakit mas ginusto ko na lang munang mapag-isa kahit na araw-araw akong pinupuntahan ni Alton dito ay hindi ko s'ya nilalabas at kinakausap. Hindi naman na s’ya gaanong nangungulit sa akin saka madalas naman kasi s’yang wala dahil kasama nila si Carissa. Nasanay na rin naman ako na si Arron lang ang nakikita ko a
