Simula ng bumalik ako sa kompanya naging maayos na ulit ang lahat pati na rin ang takbo ng mga project na nahinto ay naging maayos na rin pero hanggang ngayon ay wala pa rin akong nakukuhang impormasyon kung nasaan sina Alton. Ilang beses ko na rin sinubukan na makausap sina Luis at Zeus pero lagi silang wala at nararamdaman ko ng iniiwasan nila ako. Hindi ko alam kung bakit pero may tinatago sila sa akin.
“Ma’am may lunch meeting mo kayo mamaya,” sabi sa akin ni Janice.
“Wala sa schedule ko ‘yan,” sabi ko sa kanya.
“New investor po ‘to Ma’am at gusto kayong makausap,” sabi n’ya sa akin kaya napatango ako.
“Okay,” sagot ko sa kanya.
Lumabas na s’ya ng opisina ko at napasandal naman ako sa swivel chair ko saka napabuntong hininga na lang. Sa sobrang dami ng naging problem na inabu
