Thirty-Nine
Sunod-sunod na cancellation ang dinanas ni Gwen ayon kay Islah. Ayaw na itong kunin na endorser dahil sa gulong kinasasangkutan nito ngayon. At dahil doon ako ang sinisisi nito.
"Pagbabayaran mo ito! Hindi ako titigil!"
"Alam ko namang hindi ka titigil, handa naman akong harapin ka baka gusto mo pag-untugin ko pa kayo ng tatay mong pakialamero, eh!" sabi ko rito. Kagagaling lang ni Papa rito kanina. Nakikiusap na itigil ko na raw ang ginagawa ko. Pangarap na raw kasi ni Gwen ang nakasalalay.
"Bakit ganyan ka? Ikaw na nga lang ang anak sa labas ng Daddy ko, mayabang ka pa, hindi ka ba nahihiya ng dahil sa 'yo nasira kami ng pamilya ko? Ikaw ang rason kung bakit nagkakaganito ako!" narinig ko ang pag-iyak nito sa kabilang linya. Bumuntong-hininga ako. Alam ko na ang style n
