ATHENA'S POV
KAGAT ang labi ko nang tumingin ulit sa text. Hinihintay ko si Isagani. Papunta siya sa kabilang munisipalidad kaya sasabay ako sa kanya. Motorsiklo ang gamit niya na hiniram lang din niya. Hindi ko alam kung sino ang sadya niya rin ng ganitong oras doon. Pero mukhang urgent.
Kaya ko nalaman na pupunta siya doon dahil tinatanong niya sa akin kung nasa amin pa ang motorsiklo ng kapatid ko. Naibenta na iyon nang magdesisyon ang Ate ko na mag-stay sa Maynila.
"Gabi na, anak. Hindi ba pwedeng ipagpabukas 'yan? Magpasama ka kay Graeson."
Saglit akong natigilan nang marinig ang sinabi ni Nanay. Hindi ko pa alam kung paano nga sabihin kay Graeson ang problema ko, e.
"B-busy po si Graeson kaya ako na lang po. Doon lang naman po sa dating tinitirhan ko, 'Nay."
"Ikaw ang bahala. S
