GUSTONG bumigay ng mga tuhod ko sa panlulumong nararamdaman. Ang sakit sakit! Ganito ba ang tingin niya sa akin? Na sumasama kung kani-kaninong lalaki? Gusto ko sana siyang sampalin. Gusto ko siyang sumbatan pero walang tinig ang gustong kumawala sa bibig ko nang mga sandaling iyon. Ang alam ko lang ay gusto kong umiyak ng umiyak. Tulala lang akong nakatitig sa kanya at hindi ko magawang magpaliwanag.
"I told you na ipasusundo kita kay Mang Kanor hindi ba? Ayaw mo dahil ang sabi mo'y mawawala ng tao sa gate. Pero ang totoo pala ay gusto mo lang sumabay sa lalaking 'yon na hindi ko maintindihan kung bakit hindi mo magawang iwasan!" Hindi ko alam kung paano na naman niya nalaman ang bagay na 'yon. Siguradong may nagsumbong na naman dito. Si Clarence na naman kaya 'yon? Palabas lang kaya ni
