"ANAK!" Kulang na lang ay maiyak si Papa nang makita akong bumababa sa kotse ni Oliver. Sinugod ko ito ng yakap at nagyakap kami ng mahigpit. Maya-maya ay nilinga ko ang paningin para hanapin ang mga kapatid ko. Siguro'y napansin iyon ni papa. "Si Nene at Konor ay naroon ngayon sa center. May mga volunteer kasi doon na teachers na libreng nagtuturo sa mga batang taga rito sa atin. Interesado raw si Nene, e. Kaya ayun pinapasok ko. Salingpusa naman si Konor," masayang pagbabalita ni Papa.
" Mabuti naman kung ganoon, Papa, at least doon sa center, maihahanda sila sa pasukan."
"Kaya nga, anak. Teka muna, hindi mo ba kasama ang asawa mo?" Nagkatinginan kaming tatlo sa tanong na iyon ni Papa pero napaghandaan ko na kung ano ang isasagot ko sa kanya.
"May out of town business trip po kaya hi
