KAAGAD akong napapikit pagdaiti ng labi nito sa labi ko habang hapit ako sa baywang. Miss na miss ko na siya at kagaya ng dati ay gustung-gusto ko ang pakiramdam ng halik nito. Kapagdaka ay parang gustong mawala ng galit ko. Bigla ay parang gusto ko na lang kalimutan ang lahat ng nangyari at sabihin sa kanyang gusto ko na siya ulit makasama, pero nanaig ang isip ko kaysa sa aking puso nang bumalik sa isip ko ang lahat. Nadaig ng sakit ang kakaibang sensasyong nag-u-umpisang mabuhay sa aking kaibuturan. Mabilis ko siyang itinulak at kaagad akong lumayo na parang napaso. Kaagad namang nangunot ang noo nito pero sandali lang iyon. Siguro ay naalala nito kung bakit ako ganoon. Sakit ang nakita kong bumalatay sa mukha niya pagkatapos.
"I missed you, Sweetheart. Umuwi ka na, please? Sumama ka
