NAGHIWALAY KAMI NG landas ni Tabitha pagkapasok. Ako sa taas, sa dating silid ko. Doon kasi nagmumula ang ingay nila Ytan. Siya, sa kusina. Tutulong daw siya sa ina niya para mag-ayos ng hapagkainan.
Hindi pa man ako nakakarating ng pintuan nang marinig ang tawanan muli ng mag-ama. Mukhang may tinitingnan ang mga ito kaya sinilip ko muna. Napakunot ang noo ko nang makitang may hawak ang mga ito ng album. Naglakad ako papasok. Hindi naman kasi nakasara ang pintuan. Hindi nila ako napansing lumapit dahil abala sila sa pagsipat sa album na nakabulatlat.
Natigilan ako nang makita ang photo album. May ilang shots kuha nang mamasyal kami ni Thor sa Baguio. Nanliligaw pa lang siya sa akin noon. Parang kami na nga kung tutuusin noon. Kulang na lang ang oo dahil sa akto namin. Malambing kami sa i
