NAPANGITI ANG GINANG nang makita kami ni Thor na papalapit sa mesang inuukopa nila. Hindi ko alam kung sino ang may birthday, basta pamilya din ang naroon. Iilan lang kasi ang kilala ko. Sabagay, kung sino lang kasi ang pumupunta sa bahay ng mga Hernandez ang nakikita ko.
Unang niyakap ng ginang si Thor na nakangiti sabay sulyap sa kamay kong nakakapit sa anak niya. Masaya na ang ginang sa nakikita sa amin. Sana nga totoo ang pinapakit namin. Sana masaya nga ang pagsasama natin. Puro na lang talaga ako sana.
“Thank you for coming, anak. I’m glad, naisama ka ng anak ko,” bulong ni Mama nang yakapin niya ako.
Ngumiti at nagpasalamat ako kay Mama, ganoon din kay Papa. Sinabihan nila kami na puntahan daw ang may birthday.
Saka ko lang napagtanto na bahay nila Matthew iyon. At ang may kaa
