UMANGAT ANG KILAY ko nang ipaghila ako ng upuan ni Thor.
"Seryoso?" Hindi ko mapigilan ang sarili kong tanungin.
Muntik ko ng matampal ang noo ko, nasa harap nga pala kami ng magulang niya. Bumisita bigla sila Mama anim na araw makalipas ang party. Saktong suspended ang klase namin dahil sa bagyo na dumating. Tinanghali pa naman ako ng gising dahil sa lamig ng panahon. Ang alam ko aalis din kaagad sila Mama dahil baka bumaha na sa dadaanan nila.
"You look pale, anak," ani ni Mama sa akin. Nasa library kami ng bahay namin–– bihira akong pumasok dito. Ewan ko lang si Thor.
Tumingin ako sa balat ko. Oo nga, medyo nga. Kasi naman, hindi pa ako tuluyang magaling tapos biglang umulan, lalo lang akong sinamaan ng pakiramdam. Ang sabi sa akin ni Ate Neri, baka dahil sa stress. Hindi ko naman
