Lumabas ng banyo si Jennie pagkatapos maligo. Nagmamadali ang kilos niya dahil kailangan niyang palitan sina Joyjoy at Rose sa pagbabantay kay Ajie sa ospital. Tuluyan nang naging kaibigan ang turing niya kay Ajie sa kabila ng lahat ng mga naganap.
Ngunit laking gulat niya nang malabasan niya sa loob ng silid niya si Jordan. Makapamulsa itong nakatayo sa may bintana. Halatang hinihintay siya.
Nagulat siya dahil akala niya ay mamaya pa ito darating.
"Ano'ng ginagawa mo rito? Pwede namang sa salas mo na lang ako inantay," kinabahan niyang tanong at hinapit niya sa katawan ang nakabalabal na pink towel.
"Let's talk." Pinasadahan siya ng tingin ni Jordan, seryoso pa rin ang mukha nito. "But fix yourself first..."
Alinlangan man ay nagbihis siya nang dali-dali. Kahit kinakabahan siya dahil
