Ayaw man ni Xander pero mas pinili pa rin niyang umuwi sa bahay nila ni Krista. Mabigat man sa kanyang kalooban pero nakapangako siya kay Kristina na pipilitin niyang bigyan ito ng oras para makipaglaro sa bata. Buong akala nito ay siya ang tunay niyang Ama. At hindi iyon kayang tanggalin ni Xander mula sa inosenting bata. Kung ano man ang problema nila ni Krista ay labas doon ang anak niya. Pero hindi niya pa rin maiwasan na hilingin na sana ay anak nila ni Emma ang inalaagan at kasa-kasama niya ngayon. At kung may nabuo man sa mga hiram na sandaling kanilang pinagsaluhan, sigurado si Xander na kaedad lang iyon ng batang lalaki na nakilala niya sa mall.
Pagpasok ni Xander sa kanilang bahay na itinuring niyang kulungan sa loob ng limang taon agad na siyang dumiretso sa playing room ni
