Pag gising ng kambal ay handa na ang kanilang almusal. Masaya at magana silang kumain nang umagang iyon lalo pa at kasama pa rin nila si Xander hanggang sa sandaling iyon. Pero si Emma ay kanina pang tahimik at walang imik. Pero panay ang sulyap nito sa nagba- vibrate na cellphone ni Xander. Sa tuwing tumitingin sa gawi niya si Xander ay agad naman siyang umiiwas at animo'y walang napapansin.
Sa umagang iyon habang kasama nila si Xander, pakiramdam ni Emma ay wala rin doon ang atensyon ng lalaki. Panay rin ang sulyap nito sa relong pambisig. Pero dahil nakikita ni Emma ang kakaibang saya sa mukha ng dalawang anak, kahit papaano ay naaaliw siya dito kahit na may parte ng isipan niya ang binabagabag ng maraming katanungan.
Hindi pa niya nasasabi ang totoo sa kambal dahil hinihintay
