Kinaumagahan ay nagising si Emma dahil sa ingay sa kanyang paligid. Pero hindi naman bago iyon sa kanya. Hindi naman bago iyon dahil maaga talagang nagkukumpulan ang kanyang mga kapitbahay para pag-usapan ang buhay ng iba. At sa umagang iyon, sigurado si Emma na siya ang pinaka-mainit na topic ng mga ito. Lalo pa ngayon na may bigla na lang dumating at nagpakilalang Ama ng mga anak niya. Dati-rati ay usap-usapan din siya dahil nabuntis siya ng walang maipapakilalang Tatay pero ngayon ay bigla na lang itong susulpot.
"Xian, Xyril, nasaan kayo?" Inaantok pa ang boses ni Emma nang isigaw iyon. Wala siyang narinig na sagot mula sa mga ito kaya napalitan siyang bumangon upang silipin kung nasaan ang mga ito. Hindi kalakihan ang kanilang tahanan kaya ilang hakbang pa lang ang nagagawa niya a
