"Sorry," hinging paumanhin ni Xander pero pina-ikutan lang siya nito ng mga mata. Hindi namalayan ni Xander na napangiti siya dahil sa ginawang iyon ni Emma. Limang taon din ang lumipas magmula ng huli niyang makita ang gano'n na ginagawa sa kanya nito kaya talagang namiss niya.
"Anong nginiti-ngiti mo diyan?" Masungit na tanong ni Emma. Agad na umiling kapagkuwan ay tumikhim si Xander at pilit na itinago ang ngiti na gustong gumuhit sa bibig niya.
Pero ang ngiti na pilit ikinukubli ni Xander ay tuluyan nang nabura nang mapansin ang paglingon ni Emma sa bandang likuran nito na tila ba may hinahanap. Kumunot ang noo ni Xander at saka lumingon din doon. At nang wala naman siyang makita ay bumalik ang nagtatanong niyang mga mata sa babae na ngayon ay halata ng kinakabahan.
"Bakit para
