"Come on, catch me," hinihingal nang sambit ni Xyril habang tumatakbo. Magmula nang makapasok sila sa loob ng kwarto ay hindi na matigil-tigil pa ang paghahabulan ng tatlo. At kung sino man ang mahuhuli ni Xander ay talagang kikilitihin niya hanggang sa magmakaawa itong tumigil na si Xander.
"Xyril, Xian, 'yang tuhod niyo, huh? Baka mamaya niyan umiyak kayo pag may masaktan sa inyo," hindi napigilang sigaw ni Emma mula sa loob ng maliit na kusina ng apartment. Hindi na niya natagalan pa ang panonood sa tatlo dahil para bang nakukunsensiya siya. Mas lalo na habang nakikita ang saya ng tatlo habang nagkukulitan.
"Wait. I'm tired," narinig niyang sambit ni Xian kaya napa-iling na lang si Emma. Sa kanilang dalawa ay ito ang mabilis makaramdam ng pagod. Siguro ay dahil dumaan ito sa i
