"Nanay, itago mo ako. Ayaw ko sa kanila," pabulong na sabi ni Xian na agad nagtago sa likuran niya. Napangiti siya bago yumuko para bumulong din sa masungit niyang anak.
"Tumakbo ka kay Tatay. Sa kanya ka magtago. Sige na, dalian mo," nakangiting bulong ni Emma. Pagkatao tumango ay mabilis na kumaripas ng takbo ang anak niyang lalaki kaya halos sabay nilang natawa ng kanyang byanan.
"Xian, sandali. Hintayin mo ako..." biglang sigaw ni Dave bago tumakbo para sundan si Xian pero karga pa rin nito si Xyril na tawang-tawa.
"No. Don't come near me. Leave me alone, you old man," pasigaw na sabi ni Xian na agad yumakap sa kanyang Tatay. Mahigpit naman itong ikinulong ni Xander sa kanyang mga bisig para protektahan ang anak. Pareho lang talaga silang mag-ama. Parehong masungit at ayaw sa ma
