Nakaalis na si Kuya Andrew kaya mag-k-commute ako ngayon papasok sa aking trabaho. Napatingin ako sa singsing na suot ko. Manipis lang ito ngunit kapag natitigan, malalaman mong ito ay mamahalin, dahil na din sa mga maliliit na bato. Sobrang ganda. Nagustuhan ko ito. Magaling talaga siyang mamili.
Panay ang tingin ko sa aking celphone habang nasa jeep ako. Umaasa ako na mag-text siya sa akin. Kaso sa Italy pala siya pupunta. Baka sa ngayon hindi pa lumalapag ang eroplano na sinasakyan niya.
Kapag naiisip ko siya, hindi ko mapigilang maging malungkot. Napagalitan tuloy ako ng manager dahil sa pagiging lutang ko.
Nang lunch break, umasa ako na may text na siya sa akin o kaya kahit missed calls man lang pero wala talaga.
Hindi naman kami, kaya siguro tigilan ko na ang kakatingin ko sa
