Atasha Dad's Wedding Day.
"Ito na ang pinakahinihintay na araw ni Daddy," sabi niya kay Nico habang binibihisan si Nikolai, pinasadya pa nilang pagawa ng tuxedo si Nikolai na terno sa Daddy Nico nito para sa kasal ng Daddy niya.
"Ako rin ito na ang pinakahihintay kong araw," sabi ni Nico na nakaupo sa kama at pinanonood ang pagbibihis niya kay Nikolai. Nakabihis na silang mag asawa, sadya niyang hinuling bihisan ang anak, baka kasi mainip ito.
"Bakit naman Nico?" Tanong niya sa asawa at sinulyapan pa ito, saka muling binalik kay Nikolai ang mga mata.
"Well, sa wakas wala ng rason pa si Gerald para mag stay sa bahay niyo. After the wedding uuwi na siya ng California," litanya ng asawa.
"Nico naman eh," kibit balikat niyang sabi saka bahagyang sumimangot. Paano naman kase kahit anong p
