Azariah Gadelle Galvado's POV
UNTI-UNTI kong iminulat ang mga mata ko at sumalubong sa akin ang madilim na paligid at ang maingay na tugtog na sa tingin ko ay nagmumula sa labas ng kwartong ito. Nakaramdam ako ng takot nang maalala kung nasa ano kaming sitwasyon ni Rina ngayon. Nang mapalagay sa kadiliman ang mga mata ko ay tsaka ko lang naaninag si Rina na nasa hindi kalayuan sa kinalalagyan ko. Mabilis akong tumayo at lumapit sa kaniya.
Katulad ko ay nawalan din siya ng malay at hanggang ngayon ay nakasubsob sa malamig na sahig. Hinawakan ko ang balikat niya at marahan siyang binangon. Hinawi ko ang mga buhok na tumabing sa mukha niya bago siya niyugyog.
"Rina!" Mahina kong tawag sa pangalan niya. "Rina, wake up!" Ilan pang yugyog ang ginawa ko bago siya nagising. "Nasa mga kamay tayo
