LINGGO. Naiwan akong mag-isa sa bahay nang umagang iyon. Nakagawian na kasing sunduin ni Jowell ang kambal at dalhin sa park na nasa loob ng aming village.
Wala akong matatawag na housemaid. Ang dalawang kasama ko sa bahay ay kinuha ko para tutukan lang ang aking mga kambal. Pero mabait at mapagkusa silang pareho. Kapag natutulog ang mga kambal ay may naiiwang isa sa kanila para magbantay. Ang isa naman sa kanila ay gumagawa kahit paano ng gawaing-bahay.
Sa umaga bago ako pumasok sa trabaho ay nagluluto na ako ng mga kakainin nila sa maghapon. iniinit na lang iyon sa microwave. Ako rin ang namamalengke kada Biyernes ng hapon. Madali ang paglalaba sa automatic washing machine na binili ko. Kapag Sabado naman ako naglilinis ng buong bahay at nagpaplantsa ng mga damit.
Nasa hardin ako a
