Twenty-eight years old na siya ngunit kung tratuhin siya ng kanyang ina ay parang teenager pa rin. Utos dito, utos doon! Kung alam lang niya ang kanyang magiging papel sa bahay, sana’y hindi na lang siya dumiretso sa bahay o di kaya ay nakitira na lang muna siya sa apartment ng kanyang kapatid. Kaya lang, mahal na mahal niya ang mga magulang kahit na ubod ng pasaway ang dalawa.
Dahil sa panggugudtym ni Pasha, nabawasan na mahigit kalahating milyon ang kanyang ipon. Ayaw niya sanang pagbigyan ang kahilingan ng kanyang ina ngunit minsan lang naman ito may gustong ipabili sa kanya. Kaya lang, namulubi siya sa pagbili ng Honda CB650R. Tuwang-tuwa ang kanyang Mama sa bago nitong motorsiklo.
Kung mayroon mang hindi natuwa sa nangyari, iyon ay ang kanyang ama. N
