Ilang beses na ikinurap ni Chad ang kanyang mga mata dahil gusto niyang makasigurado kung si Jether Macaraeg ba talaga ang nakita niya o hindi. Sobrang matagal na rin kasi ang panahon noong huli silang nagkita, eh. Sa sobrang tagal ay halos hindi na niya maalala ang pagmumukha ng lalaking unang nagpatibok sa kanyang puso, at ito rin ang dahilan kung bakit nawasak ang buo niyang pagkatao.
“Hoy! Bakit ka tulala diyan?”
Nagulat si Chad nang marinig ang boses ng kanyang kapatid. Lumingon siya at ngumiti dito ngunit nang muli siyang tumingin sa rowing machine, hindi mukha ni Jether ang kanyang nakita. “Namalik-mata yata ako,” sabi ni Chad.
“Kalimutan mo na kasi si Jet,” suhestiyon ng kanyang kapatid na si Ralph.
“Nakalimutan ko na sana pero ipinaalala mo sa akin,” sinisi niya si Ralph.
“Ka
