KABANATA 38:
KANINA PA TULALA si Dalee habang bumabagsak ang tubig sa kanyang katawan. Kanina pa siya tulala sa mga nangyayari. Tandang-tanda niya ang nangyari kagabi, nakita niya talaga ang ID ni Andres sa crime scene, hindi siya nagkakamali. Pero bakit bigla na lang nag-iba ang kwento kanina? Bakit parang nagawa siyang baliktarin ni Caro?
“Argh! Nakakainis talaga!”
Siguradong sigurado talaga siya sa nangyari kagabi, hindi siya namamalikmata. Legit iyong inis at panginginig niya noong makita niya ang ID ni Andres. Siguro sinabotahe siya ni Caro. Lalo na kanina habang natutulog siya. Baka kinuha nito ang ID niya, ganoon siguro ang nangyari! Tama!
Ipinagpatuloy niya ang paliligo hanggang sa matapos siya. Pagkatapos maligo ay nagbihis na siya ng susuotin para sa trabaho. Kanina pa tawag
