PAGDATING sa rest house ni Dwayne ay may nakaparadang limousine sa carport ng bahay. Kumabog ang dibdib niya nang maisip na iyon na marahil ang sinakyan ni Yoshin. May anim na maskuladong lalaking naka-Amerikana sa labas at parang mga robot na nakatayo sa gigilid.
Pag-aari ni Vladimir ang limousine at driver rin nito ang sumundo kay Yoshin sa airport. Wala namang property roon si Yoshin o kaanak dahil nasa Italy lahat.
“He’s here,” wika ni Vladimir. Nauna na itong tumalilis ng sasakyan.
Iba talaga ang impact ni Yoshin sa kaniya. Aware siya kung gaano kamaimpluwensiyang leader si Yoshin. Kinakatakutan ito ng marami. Ang pagkitil rito ng buhay ng tao ay wari pagpatay lang ng langgam. He’s ruthless, the cruelest human being that he had ever known.
“Patay! Hindi pa tayo nakapagluto ng lunc
