NAGISING si Janna dahil sa pangangawit ng kaniyang kanang binti na nakatiklop. Dahan-dahan siyang kumilos at umupo. Hinilot niya ang kaniyang binti. Napadaing siya sa makapigil-hiningang kirot. Pagtingin niya sa kaniyang cellphone ay alas-dose na ng tanghali.
Nang humipa ang kirot sa kaniyang binti ay tumayo siya at pumasok sa banyo. Nagmamadali siyang naghilamos ng mukha at nag-freshen up. Nagpapahid siya ng lipstick sa labi nang may kumatok sa pinto. Nataranta siya sa isiping si Jin na ito.
Hindi pa tapos ang ginagawa niya’y bumukas na ang pinto. Nakalimutan pala niya itong i-lock. Nanlaki ang mga mata niya nang makita si Jin.
“Lunch is ready,” sabi nito, sinuyod ng tingin ang kabuoan niya.
Iniligpit na niya ang kaniyang gamit saka isiniksik ang kaniyang katawan sa tabi ni Jin palaba
