LUMIPAS na lang ang gabi ay iniisip pa rin ni Janna bakit ayaw ni Jin sa dragon fruit. Nauna siyang pumasok sa opisina dahil may pupuntahan pa raw si Jin. Pinabitbit na nito sa kaniya ang laptop nito.
Nakasabay niya si Larzen na dumating sa opisina at ito ang may hawak ng susi ng opisina ni Jin.
“Saan ba pupunta si Boss?” tanong nito nang makapasok sila sa opisina. Ito na ang nagbukas ng air-con.
“Hindi ko alam,” tugon niya.
Ngumisi si Larzen. “Asawa mo hindi mo alam kung saan pumupunta?”
Pinagdilatan niya ng mga mata si Larzen. Tumawa lang ito. At bigla niyang naisip ang dragon fruit.
“Uh, wait lang, Larzen,” pigil niya rito nang palapit na sa pintuan.
“Bakit?” Muli siya nitong hinarap.
“May alam ka ba bakit ayaw ni Jin sa dragon fruit?” tanong niya.
Biglang humagalpak ng tawa s
