MABUTI naman hindi nakalimutan ni Jin na sasamahan nito si Janna na dumaan sila sa supermarket after duty. Naiilang siyang kasama ito lalo’t ang disente nitong tingnan. Nakabuntot ito sa kaniya saan man siya magpunta at kumukuha rin ng item na gusto nito.
Paubos na ang sanitary pad niya kaya kumuha siya ng marami. Nakasunod lang sa kanila ang apat na bodyguards, na ang isa ay nagtutulak ng cart. May bitbit din siyang basket para sa personal needs niya.
Namimili siya ng sabong panligo nang may lumapit sa kaniyang lalaki. Napalingon siya rito nang sagiin nito ang balikat niya. Napadoble pa ang paglingon nito sa kaniya saka siya tinitigan sa mukha.
“Janna?” manghang sambit nito.
Nag-isip pa siya kung sino ito, saka niya naalala na isa pala ito sa barkada ni Reyven na madalas siyang inaas
