NAPAAGA ang gising ni Janna dahil advanced ang oras sa kaniyang alarm clock. Hindi na siya makatulog ulit kaya bumangon na siya at lumabas ng kuwarto. Sinalubong siya ni Barley sa hagdanan at sinabayan sa paghakbang. Tumaba na ito nang husto dahil sa vitamins na binili ni Jin sa Florida.
Mabuti pa ang pusa, hiyang ang vitamins nito, siya, lalong pumapayat. Pero pumayat lang naman siya dahil sa bagong trabaho. Pansin niya ang unang litrato niya na mas bumilog ang kaniyang mukha, noong alaga siya ng vitamins ni Jin. Ibang vitamins pala ang gusto ng katawan niya.
Napangisi siya sa naisip. Paano nga naman siya madidiligan ng kaniyang asawa, eh pareho silang busy? At nitong nagdaang linggo ay madalas siyang atakehin ng anxiety kaya inaliw niya ang sarili sa trabaho. Dagdag pa itong nangyari k
