HINDI na sana makikialam si Jin sa nangyari kay Reyven pero nakaapekto ito kay Janna. At ayaw niyang isisi nito sa kaniya ang nangyari. Nadamay lang si Reyven dahil sa problema nila.
Hindi na siya kinausap ni Janna pagkatapos nilang maghapunan. Dumiretso na ito sa kuwarto. Tumambay naman siya sa study room at tinawagan si Monroe. Lumuklok siya sa couch.
“Yes, sir?” tugon niton.
“May problema rito. Dinakip ng tauhan ni Marcial ang ex-boyfriend ni Janna.”
“What? How do you sure that Marcial was responsible for this?”
“Pinasundan ko sa tao ko ang ex ni Janna. Nakita nilang hinarang nga ng kalalakihan si Reyven. Hindi kaagad sila nakalapit dahil sa distansiya at nakaalis din ang target. Suot ng mga lalaki ang joker head mask na unang suot ni Marcial noon sa underground market kung saan n
