LIMANG araw na ang nakalipas pero hindi pa rin tumawag si Jin kay Janna. Una ay dedma lang siya at inaaliw ang kaniyang sarili sa trabaho at paghahalaman. Ngunit nang tapos na ang paperwork niya at wala nang maitanim ay tila nahihibang siya sa hindi maipaliwanag na lungkot at pagkainip.
Puwede naman siyang tumawag kay Jin gamit ang isang sim na puwedeng makatawag abroad pero tiniis niya ito. Bumisita rin ulit doon si Gino pero kinumusta lang siya. Malamang ay inutusan ito ni Jin na bantayan siya. Kung hindi tumatawag si Jin kay Gino dahil busy, maikonsidera pa niya bakit hindi siya nito matawagan.
Kinabukasan ng linggo ay tinawagan niya si Aster at pinasundo sa bodyguards. Wala namang pasok sa opisina ng Linggo kaya pumayag ang kaibigan niya. Kailagan niya ng kakuwentuhan baka tuluyan s
