PARANG hinahabol si Janna habang kumakain. Panay ang sita sa kaniya ni Aster pero ayaw niyang patinag. Hindi kasi siya komportable sa puwesto nila dahil unti-unting nauubos ang mga tao. Si Marcus at Rolly na kuya ni RC ay naroon pa rin. Pansin niya na panay ang sipat nito sa kaniya. Ilang minutong pag-iisip bago niya naalala ang pangalan ng lalaki.
Maaring hindi siya nito nakilala sa una dahil nag-iba ang ayos ng kaniyang buhok, pero kahit malaki ang nabago sa kaniya, makikilala at makikilala pa rin siya ng mga taong ilang beses na siyang nakita nang personal. Hindi ito kilala ni Aster, si RC lang. Sa ibang University naman kasi nag-aral si Rolly.
Mamaya ay tumayo na ang dalawang lalaki, tapos nang kumain. Yumuko siya pero napansin pa rin siya ni Marcus. Napahinto pa ito sa tapat ng lame
