Kung nagulat si Reza sa pagdalaw ni Felix kay Dale, mas nagulat siya nang malamang bukas na bukas din ay makakalaya na ang kaibigan niya. Iyon ang kaagad na salubong sa kaniya. Nakakapagtaka lang na parang hindi naman masaya si Dale.
"You know na higit sa lahat, ako ang unang natutuwa sa balitang 'yan, Dale. Pero paano nangyari 'yon?" Bakas sa mukha ni Reza ang matinding pagkalito. "Kakatapos lang ng hearing natin noong nakaraang linggo. At alam nating lahat na malakas ang kaso laban sa'yo."
Hindi sumagot si Dale sa kabilang linya, na nakayuko lang. Mas pinili pa nitong butingtingin ang hawak na papel kaysa ang sagutin siya. Pero ramdam ni Reza na mayroong mali sa mga nangyayari.
"Dale, please... Answer me. Paano ka makakalaya ng gan'on-gan'on lang?" Untag niya uli sa kaibigan nang hin
