Bahagya lang na nagulat si Reza nang matanggal ang hood ng winter jacket ng kaniyang knight in shining armor. Tama nga ang isip ni Reza. Si Colt ang nagliligtas sa kaniya ngayon, bagaman umaasa ang puso ng dalag na si Kieran ang kaharap niya ngayon, at siyang sinusundan niya kanina.
Napahanga si Reza sa galing ni Colt makipaglaban. Napansin niya na hindi ito kasing galing ni Kieran pero wala ring kahirap-hirap na napatumba nito ang apat na mga lalaking manyakis. Bugbog-sarado na nag-unahang umalis ang mga ito.
Para namang napako sa kinatatayuan niya si Reza kahit na nakaalis na ang mga lalaki. Parang hindi siya makapaniwala na nakaligtas siya sa mga manyakis na 'yon. At iniligtas pa siya nang hindi niya inaasahang tao. At hindi maintindihan ni Reza kung parang kinilig siya.
"Are you oka
