Napuno ng batian ang buong bakuran nina Fara nang umaga ng pista. Papunta silang lahat sa simbahan para sa pamisa at prosisyon mamaya at halos lahat ng mg kasamahan nila ay nandoon at nagbabatian para sa pista. Well, ang mga kababata niya ay nagpapasikatan lang naman ng mga suot nilang mga damit na nabili nila sa tiangge kahapon.
Napailling na lang si Fara habang tinitingnan ang mga ito mula sa loob ng kanilang bahay.
“Ate, okay na ba? Pretty ko ba?” tanong pa ni Bel sa kanya tapos ay umikot ito sa kanyang harapan. Bumuka pa ang damit nito pagkaikot nito. Nag-pose pa nga ito sa kanyang harapan na para bang nasa isang photoshoot ito.
Umirap lang siya rito at pabagsak na umupo sa kawayang upuan nila sa sala. “Dalian niyo, Felix! Ang tagal tagal niyo. Mas matagal pa kayong magbihis kaysa s
