Nag-stretching si Fara sa harap ng computer pagkatapos niyang i-close ang document na pini-fill-up-an niya sa supplies. Napabuga siya ng hininga at saka napapikit na lamang. Ipinagkuros niya pa ang kanyang mga braso tapos ay napasandal sa likod ng kanyang upuan.
“O, te? Stress much?” Agad siyang napalingon nang marinig ang boses na iyon.
Ngumuso na lamang siya at saka huminga nang malalim. Pagod na tiningnan niya lang si Jia.
“Katatapos lang. Ikaw ba?” balik na tanong niya rito.
Nagkibit-balikat ito sa kanya tapos ay nginisihan siya. “Saan ka ba kasi stress? Sa trabaho o sa baby daddy mo?”
Napasinghap siya sa sinabi nito. “Anong pinagsasabi mo?” Inirapan niya pa ito. Mas lalo naman siyang nginisihan ni Jia. Pinaningkitan pa siya nito ng mga mata.
“Hmm. Bakit? D
