KAHIT si Eden ay halos hindi kinakausap ni Nikki. Naglalaro ito kasama si Lovey sa may hardin pero iniignora niya ito halos sa lahat ng oras. Nang tumawag si Caden sa cell phone ay binigyan niya ng matalim na tingin ang device at saka ni-reject iyon.
Nagmumukmok pa rin siya. Isa pang sakit sa ulo niya ay si Al. Tumatawag din ito sa cell phone niya pero hindi rin niya kinakausap.
“Huh! Mabubulok na kayong dalawa, hindi ko pa rin kayo kakausapin!” usal pa niyang kinakausap ang sarili pero nakatingin nang masama sa cell phone. Nagpupuyos pa rin ang dibdib niya nang dahil sa nangyari sa kaniyang relasyon at sa kaniyang negosyo. Minalas siyang talaga. Ang wagas din ng tayming. Magkasabay pa.
Itinaob niya ang device at napatingin ulit sa kaibigang busy sa pakikipaglaro sa pet nito. Malaki na
