NAPASUNOD ng tingin si Caden sa napaluhang nobyang umalis at iniwan sila ni Al sa opisina nito. Kahit sa sinabi ng dalaga ay susundan niya sana ito pero bigla siyang hinawakan ng karibal sa braso. Iwinaksi niya ito at hinarap.
“Ano ka ba talaga, ha?”
“Girlfriend ko si Nikki. Noon pa man,” giit nito.
“Ano? Noon pa?” Nagtataka talaga siya dahil ang alam niya ay walang boyfriend si Nikki. “Teka, bakit tinawag ka niyang T. T. at Thalia, ha?” Lalo pa siyang nagseselos. Wala kasi siyang nickname o endearment man lang mula sa nobya. Tapos ang hinayupak na Al Trillanes na ito ay mayroon.
Napabuntong-hininga ito. “I need a drink. Kung gusto mong malaman, sumunod ka na lang sa ‘kin.”
Inis niya itong sinundan ng tingin nang mauna itong umalis. Gusto niya talagang sundan si Nikki pero mukhang nai
