NAGYAKAPAN at nagbeso-beso sina Nikki at Jasmine nang magkita sa lobby ng main office building ni Caden. Wala ito sa hotel na nasa tapat ng punerarya niya kundi ay nasa sentro ng Makati. Sosorpresahin niya kasi ang binata dahil monthsary nila ngayon. Hindi nito alam na pupunta siya ngayon dito para sa isang magandang sorpresa at nasa loob lang iyon ng kaniyang shoulder bag.
Nagkakilala na sila ni Jasmine bago pa man ang unang monthsary nila ng katipan niya dahil nagpunta sila sa club nito. Naalala siya nito noong unang tagpo rin nila ni Caden noon at natutuwa ang pinsan nito para sa kanila.
“Napadalaw ka rito. Alam kong hindi ka masyadong naglalabas kapag mataas ang araw. Naikuwento kasi ni Caden sa ‘kin,” anang pinsan ng katipan. Hindi katulad niyang naka-sundress hanggang tuhod ay naka
