Chapter 53
ILANG ARAW na ang nakalipas matapos kong sundan si Dom sa bahay ni Carol. Gaya ng sinabi niya, hindi na siya bumalik pa roon. Bumawi rin siya sa akin at lalo pang naging sweet. Pero imbis na tuwa ang maramdaman ko, parang nakokonsensya pa ako.
Sumandal ako sa upuan at tumingin sa kisame. Malalim akong napabuntong-hininga.
Hindi maalis sa isip ko ang nalaman tungkol kay Carol. May sakit pala siya. Kailangan niya ng magpapalakas sa kanya, pero hindi ko naman puwedeng hayaan si Dom na gawin ‘yon. May nakaraan sila, muntik pa silang ikasal.
May tiwala ako sa kanya pero hindi ko pa rin mapigilang magselos at masaktan.
Nabalik ako sa reyalidad nang maramdaman ang yakap ni Dom mula sa likuran ko. Humarap ako sa kanya. Binigyan niya ako ng matamis na ngiti habang nakatingin sa ak
