Miranda’s POV
Hindi ko na alam pa ang aking gagawin. Pakiramdam ko ay limitado na lang ang aking galaw sa loob ng campus. Pakiramdam ko ay parang sa kahit na saang sulok ako pupunta ay nakatingin sa akin si Mr. Fernandez. Alam kong guni-guni ko lang ang lahat ng ito. Alam kong nag-iisip lang ako nang kung ano-anoo ngunit hindi ko maiwasan ang isipin ang mga iyon. Lalo pa sa binitawang katatagan niyang kahapon. Ni hindi ko magawa ang makatulog nang maayos kagabi.
Wala naman sigurong hindi magbabago ang nararamdaman matapos mong malaman na ang guidance counselor sa paaralan ninyo ay nagkakagusto sa iyo. Kahit pa noong unang tingin ko pa lang sa kay Mr. Fernandez ay alam ko na kaagad na may ibang balak siya sa akin. Alam ko noong una pa lang na ginawa lang niyang rason ang mga pangya
