Hindi niya alam kung ano ang dahilan nito bakit ito nagagalit sa kapatid nito, lalo na kapag nababanggit niyang pangalan ni Jerold.
Ilang beses na rin kasi na nangyaring natanong niya dito si Jerold kung kumusta na, pero palagi lamang itong galit pero kanina iyong matindi. Parang mananakit na ito sa galit.
Pero minabuti niya na hindi na lamang ito tanungin o kaya ay mag-usisa dahil baka lalo lamang uminit ang ulo ni Jarred.
Baka lalo pang magkaproblema siya kapag ito ay nagalit ng husto kaya naman ang ginawa niya pinulot na lamang niya ang nagkalat ng mga kanin.
Nilinisan niya iyon at kumuha na lamang ng panibagong kanin at yung ulam sana na para sa kanya ay iyon na lamang ang muli niyang ibinigay sa kanyang asawa.
Mamaya mag-uulam na lang siya ng toyo at mantika, okay na iyon kes
